موضوع مهم.........المساعده فيها

مشان الله لا تفهمونا غلط بس لا يحتمل

هالتقرير حيكون من وحي رمضان طبعا

..كل عام وانتو بخير

رح انقل لكم مشاهداتي عبر رمضاان هالسنة والسنوات السابقة لما يدور في المسجد وقت صلاة التراويح

المسجد قريب من بيتنا ...فا بسحب حالي الساعة 9 الا خمسة وبوصل قبل إقامة الصلاة بشوي
طبعا قسم النساء جاي طابق تاني...بكونو كاشفين وشايفين الرجال،اما احنا قدامهم ما بنشوفهم..في برادي
وبكونو البنات الصغار يتبصبصو بالعقل
طبعا في بنات - ماشالله عليهم- بكونو لابسين اواعي الصلاة..تنورة للركبة...ونص شعرهم مبين..أو لابسات بنطلونات وبلايز كت ..وخرقة منديل يا دوب مغطي الغرة
يالله المهم النية
وفي بآخر صف بالمسجد كراسي للحجات الكبار بالسن الي بقدروش يوقفوا
طبعا الي بفوت اول مرة بفكر المسجد تحول لصالة قد ما في كراسي وطاولات ومحارم فاين...كلهم ختايرة وبقدروش يوقفوا
في كولر مي يتيم..لكن في كاسات دسبوزبل كتير
يعني راقيين وما حد بشرب ورا حد..كل واحد اله كاسته
طبعا في كتير نهفات بتصير...يعدمني اياهم بدل ما يكون مكان خشوع بصيرو يديونو....وهاي تجوزت وهاي خلفت وهاي ابصر شو مالها...
وعلى طوول صوتهم .مش يحكوا حرام او عيب ..

مليح هالسنة المسجد عامر لانه باب الحارة صار يجي على 10 بدل 9

مرة من المرات انقطع الصوت عن سماعة مصلى النساء..شو الحل...فا وحدة وقفت تتطلع من بعيد على الامام وتنقل للمصليات شو يعملو
يا اخوات..سجود سجود
يا اخوات ..تكبير
يا اخوات.. ركوع ركووووووع

طبعا الي بشوفهم...وحدة واقفة..وحدة قاعدة..وحدة سلمت وخلصت...كان يوم من الاخر

طبعا الاولاد الصغار لا بد منهم - زينة الحياة الدنيا-
ما بصدفو يحكي الامام (ولا الضآلين)..بكونوا يستنوه على نار بصرخو باعلى صوت الله اعطاهم
(آآآآآآآآآآآآآآآآآآآآآآآميـــــــــــــــــــــن)

يا ويلي يا يما ...اكم مرة بكون بدي اضحك عليهم وامسك حالي

ولا عند الرجال يااااااااا حبيبي
طبعا الحجاج الي قدام ...كلهم على حفة قبرهم..لكن الله يعطيهم على قد نيتهم..شكلهم بسمعوش منيح فلما يقرأ الامام أي سورة أو آية غير الفاتحة فيها كلمة الضآلين..على السريع بقولو آمييييييييييين

ومرة من المرات منقول من أبو صاحبنا - انه كانو يصلو ..ففي واحد بده يمر من قدامهم..فـ أبوالشب مد ايده مشان ما يخليهوش يمر..(انه حرام يعني)..قام الزلمة سلم على أبوي...فكره ماد ايده بسلم عليه

طبعا اكيد بصير طوش...في اكمن حج بعملو حالهم دايما فهمانين وانه هم الصح والباقي غلط..يا حبيييي شو بكره هالنوعية
(أصلا بطلت اروح عالجامع من وراهم)
بيصير يجر بالشباب وهم يصلوا من ايديهم مشان يعبو الصفوف او يلزو على بعض أكتر
من دون هالواسطة بنكون ملزوزين...بدهم نقعد كل واحد بحضن الي جنبو
وكمان شو بكره الي بطلعو صوت وهم يسبحو او يوشوشو
بكون هدووووء..فجأة بطلع صوت (وس وسوسوسوسسسس) بتشهدوا او بسبحوا بصوت عالي
وسنحه تسنح وجههم!

ههههههههههههههههههههههههههههههههههههههههه مشكور على موضوعك الحلو

هههههههههههههههههههه


مشكوووووووووووووور


وللأمام إنشاء الله


أسير الحب